الهايلايتر
الهايلايتر
الهايلايت يعنى اضاءة الضى الى بيتحط على الوجه
هو مش من اساسيات الميك اب وممكن الاستغناء عنو لكن ميزتو انو بيبين البشرة انها نضرة ومنورة غير انو بيبرز الاماكن الى بتحطية عليها ممكن يتحط مع الكونتور وممكن لوحدة من غير كونتور بيبقى اسمو ستروبينج
الاماكن الى بيتحط فيها عضمه الخدين تحت الحاجب فوق الحاجب الجبهه عظمه المناخير فوق الشفاه بيضى ضى وفوليوم كدا
هو ممكن يبقى بودر او لوس بودر او كريمى او برايمر او كريم اساس كمان بيتحط على الوجه كلو يبقى بيلمع كدا .. والمقصود باللمعه الى هى الضى اكنك طالعه من ماية او وشك منور مش لامعه بتاعه البرونز الترتر دا :D الترتر دا اسمو جليتر متجبيش اى هايلايت فى حبيبات جليتر كدا
نبتدى
1 - بالت سليك جيباها اون لاين 250 فيها كونتور وهايلايت وبلاشر ممتازة
2- بالت ريفلوشن شوجر ♡ بحبها جدا فيها اغلبية الالوان اون لاين ب 150
3- بلاشر كراكتر اول واحد هايلايت تحفه جداا وثابت اوى ب 50 اون لاين
4،5- هايلايت nyx السائل الابيض والبرونزى حلو جدا بيدى لوك هايل وممكن يتخلط مع البى بى او الفونديشن علشان يدى لامعه على الوش كلو ب 80 الواحد
6 - بالت elf كريمى كويسه شغاله يعنى ب 50
7- حبيبى باكيد elf لونو روعه بحبه اوى ب 50
8 - برونزر اماندا كان عندى زيها ويت اند وايلد لقتها نفس الالوان وزعتها وسبت اماندا لقيت لونها اتقل اللوانها ميكس لذيذ ب 40
9 - هايلايت ريفلوشن حلو اوى وقوى اوى ولونو تحفه على دهبى شويه ب 75
10 - مايبلين ماستر درجه نود جميل وهادى اوى ب 90
11 - دا شادو اصلا بس بستخدمو شادو وهايلايت لونو تحفه وقوى وثابت دا كرولاين درجة امبير ب 160
12- شادو نيكس نفس الكلام بردو بس ب 50 لونو بيرل
13 -دا هايلايت مش براند جيباه من محل ميك اب عادى ب خمناشر جنية :D بس ولله لونه حلو بقالو معايا كتير
14-دا انا الى عملاه بنفسى هتلاقو ريفيو عنه ^_^
15- ختامها مسك <3 هايلايتر ذابالم مارى لو احلللللللللللللللللللللى هايلايتر استخدمتو هو زى ايلف شوية بس مارى لو اقوى واثبت ب 300 اونلاين دا الى فى الصورة لوحدو
وبس كدا
واستعملت هايلايت سارة تحفه اوى اوى وب50 جبته من سمير ويليم
واستعملت هايلايت فولمار بس لمعتو فيها جليتر ممكن يستخدم شادو او هايلايت تحت الحاجب بس
انما كلو جيباه اونلاين يا بنات وهتلاقى كل اللينكات الى بجيب منها فى البوست المثبت .. يارب اكون فيدتكو :* ♡
ادعولى بقى ^_^
كلو جيباة اون لاين يا بنات
#batot_makeup_review
تعليقات
إرسال تعليق