روتين للشعر التالف

من ضمن الروتين بتاعى للشعر 
انا شعرى متدمر ومقضيها سيرم وزيت جوز هند وحمامات كريم واهو اتعدل شوية بس طبعا بيقع بطريقه غبية لظروف صحية :( بس الى حد ما النشفان راح بنسبة 80% والهيشان راح بنسبة كبيرة اقدر اقول 60 % والتقصيف بعالجو ب انى اقصو كل 3 شهور وطبعا زيوت وهاكذا 
ف انا شوفت ريفيوهات كتييييييير عن حمام الزيوت دا لكذا بنت على اليوتيوب مصريين واجانب وقررت انى ابتدى فيها 
الزيوت عبارة عن 
زيت جوز هند 
زيت لوز حلو 
زيت ارجان 
زيت جوجوبا 
زيت خروع 
زيت جرجير 
والمفروض زيت سمسم بس مجبتوش لسة 
تجيبو الزيوت دى من اماكن موثوق فيها زي نفرتارى وامتنان 
وحاولو تجيبو علبة فاضية بسن من فوق علشان هنحتاجها جدا انا لقيت واحدة فى علبة صبغه لوريال كانت بتاعه اوكسجين اساسا غسلتها كويس جداا وحطيت فيها خلطة الزيوت 
حطيت من كل حاجة معلقه كبيرة بالمغرفه الصغننه دى لو هتعملوها بالمقادير يبقى معلقتين من كل حاجة معادة جوز الهند والخروع 3 او 4 معالق لانى عايزة شعرى يتقل 
حمام الزيت ازاى بقى 
بتمسكى الازازة الى بسن دى وتفرقى شعرك وتحطى فى فروة الراس بس فى كل فروة راسك وبعدين تحطى فى الاطراف وتدلكى فروة راسك بصوابعك كدا شويه وبعدين تسرحى شعرك واعملية كحكه وحطى كيس على راسك من ساعتين ل 5 ساعات وبعدين اغسلى شعرك كويس وياريت شامبو طبيعى بس معرفش زى اية انا لسة هسال والى يعرف يقولى ولو مفيش يبقى خدى حبه وخففية بماية واغسلى شعرك كويس جدا مرة او مرتين على حسب ما ينضف وحطى البلسم وبس كدا وان شاء الله هيجيب نتيجة بس طبعا الموضوع عايز صبر انا مدية لنفسى سنة بصراحة وان شاء الله يتصلح وانا كل فترة هقولكو الجديد لو لقيت اى تغيير حصل حمام الزيت دا يتعمل كل يومين او 3 
سلام يا بنوتات ويارب اكون فيدتكو ^_^
#batot_review