معلومات عن الزيوت
الزيوت وطريقه استعمالها للشهر او البشرة
فى زيوت بنحطها على بعض وغلط تتحط على بعض علشان بدل متصلح تبوظ
الزيوت انواع
*زيوت حارة :
زيت (زيتون -بصل -ثوم -قرفه -سدر -حلبه -جنزبيل -قرنفل -سنك - خروع - صبار )
*زيوت باردة :
زيت ( لوز حلو -لوز مر- جاجوبا - افوكادو - عنب - خردل - جرجير - اكليل الجبل - حبه البركه او الحبه السودا - جنين القمح - النعناع - سمسم- زيت عباد الشمس )
*زيوت لزجه :
زيت ( خروع - جوز هند - جلسرين )
*زيوت عطريه :
زيت (صندل - ورد - لافندر ...)
لما نيجى نعمل خلطات للشعر او الوش
الزيوت الحارة متتخلطش مع بعض لكن الباردة تتخلط مفيش مشكله
لو هتخلطى هتخدى زيت واحد من الحار وتخلطى معاه زيوت باردو مقدار 1 ل 2 او 1 ل 3 يعنى مثلا هتعملى تلت زيت حار والتلتين زيوت باردة
*مثال .. هتجيبى ازازة صغيرة تعملى فيها تلتها زيت خروع و لوز وجرجير وجوز هند بالتساوى
او تلت زيتون و التلتين ارجان وجرجير وعنب
ممكن تحطى زيوت لوحدها من غير اضافات
تحطى سمسم لوحدو او جوز هند لوحدو وهاكذا
الشعر الجاف
الزيوت الى تفيد الشعر الجاف من التساقط والتقصف زيت ( الوز ــ زيت اكليل الجبل ــ زيت الخروع ــ زيت الزيتون ــ زيت الجرجير )
الشعر الدهنى
الزيوت الطبيعيه المستخدمه للشعر الدهنى
( زيت اللوز ــ زيت اكليل الجبل ــ زيت النارجيل ــ زيت الزيتون ــ زيت الثوم )
الزيوت الى بتزيل القشرة:
( السدر- الصبار- اللوز الحلو- المرامية- اللافندر- البابونج – الزيتون - الثوم- اكليل الجبل – الجوجوبا )
الزيوت الى تقاوم التساقط:
( الزيتون- الخروع- الصبار- الثوم- اكليل الجبل- الجرجير- الاس- الزعتر- الحنه- السدر- السمسم- المرامية- الورد )
ممكن تعملى حمام زيت لشعرك 3 مرات
الخلطات الى لقتها كويسة ومفيدة هما
ثلث خروع والتلتين جوز هند وارجان ولوز بالتساوى
التانية تلت زيتون و التلتين افوكادو و جرجير و عنب بالتساوى
والسمسم لوحدو ميتخلطش مع حاجة
كدا شعرك استفاد من اغلبية الزيوت
طريقه حمام الزيت بتحطى على الفروة و الاطراف وتسبيهم من ساعتين لتلاته وتلبسى بونيه حرارى او بونيه عادى او كيس لو مفيش بونيه حرارى سلطى الاستشوار شويه على راسك لو مفيش استشوار اغلى مية وحطى فوطه فيها واعصريها تبقى الفوطة سخنه وحطيها على راسك بس تبقى لابسة البونيه او الكيس وساعتين تلاته و اغسلى شعرك وبس كدا
#batot_reviwe
تعليقات
إرسال تعليق