الكونسيلر

الكونسيلر
انهاردة هعمل ريفيو وسواتش للكونسيلر بتوعى
عموما انا بشترى اغلبية حجاتى دراجستور لانها هى هى نفس الفينش والكافر الى انا عيزاه
احسن حاجة جربتها على الاطلاق مع انو ارخصهم كونسيلر لاجيرل برو جايبة منو 5 درجات هقولهم بالتفصيل
تانى حاجة كونسيلر هارد كاندى بجد كافر عالى اوى اوى بيغطى تاتو وشم اى حاجة عجبنى اوى
تالت حاجة برجوا هيلثى الى عجبنى فية انو زى الموس بيتحول لبودر وكافر عالى اوى
مايبلين انتى ايدج كويس كان عاجبنى قبل ما استخدم لاجيرل بس حلو خصوصا الاسبونج بتعتو
كونسيلر غارنية الفرجن القديم والجديد البى بى حلو اوى وخفيف اوى جميل
كونسيلر جولدن روز حلو اوى وخصوصا لتحت الحاجب بس للاسف مش لاقية فروعه فى القاهرة خالص معرفتش اجيبو تانى
كموفلاج كاتريس حلو اوى وتقيل بيغطى الهالات وزيو بالظبط كرولاين
انا بحب الكونسيلر جدا اوقات كتير بحطو لوحدو بس من غير فونديشن وبودر مجرد احط كونسيلر وحواجبى وبلاشر وبس كدا لان عندى هالات باينة اوى
نبدأ بالسواتش
الايد من الشمال
1- هارد كاندى بيجى بالقلم درجه ميديام لايت كافر تحفة ب 75
2- لا جيرل برو كونسيلر درجه كريمى بيج ب 50 او 55
3- لاجيرل برو درجه ناتورال للهايلايت
4- لاجير برو درجه بيور بيج
5- لاجيرل برو درجه اكسبرسو للكونتور
6- لاجيرل برو درجه اورنج كوريكتور دا بيستخدم لاخفاء الهالات بيتحط الاول وبعدين يتحط فوقية الدرجه المناسبة ليكى
لاجيرل تحفة جدا وواضح من انى جايبة 5 درجات يعنى :D
7- برجوا هيلثى ميكس درجه 53 بجد تحفة واويلى فرى كمان وبيقلب بودر ب 90
8- غارنية بى بى كريم رول درجه لايت خفيف اوى وكافر متوسط تحفة لنزول الصبح او كل يوم مش يرهق العين خالص ب55
9- نفس الكلام بالظبط بس دا الفرجن القديم بتاعو
10-مايبلين age rewind درجه لايت حلو اوى خصوصا الاسبونج بس لاجيرل بردو اقوى ب100
11- جولدن روز حلو اوى ومبقاش موجود لو حد يعرف فروع لية يقولى مش فاكرة السعر جيباه من زمان
12 - كموفلاج كاتريس درجه 020 لايت بيج حلو وتقيل اوى نفس كرولاين بالظبط ب 45
13- كموفلاج كرولاين درجه D11 جيباها للكونتور ب 120
14- جربت كونسيلر ميبيلين فيت مى كويس ينفع يومى خفيف شوية كان ب 85

شوية نصايح بقى
الى عندها هالات غامقة بنى تستعمل كوريكتور اورنج الاول وبعدين الفاتح لو انتى بيضة اوى والهالات حمرا او العروق نافرة فيها مزرقة يبقى كوريكتور اخضر وبعدين الكونسيلر الفاتح بتاعك لو مفيش هالات بس باهتة شوية يبقى كوريكتور اصفر بينور اوى تحت العين وبعدين الكونسيلر بتاعك
بالنسبة لتقنية الكونتور او التقنية الجديدة الى اسمها بيكينج او تقنية ستروبينج كل دول بيعتمدو على الهايلايت تحت العين يبقى قوى بعد ما تحطى الكوريكتور تحطى كونسيلر اصفر او فاتح وتحطى بودر بنانا او بودر فاتح وتسبيها شوية وتشليها هينور تحت العين اوى
يا رب اكون فيدتكو يا بنات واى سؤال انا تحت امركو
الى اللقاء مع الريفيو القادم ^_^

كل دول تحفة وثابتهم حلو اوى اوى واسعارهم حنينة اوى

#batot_makeup_review