روتين بشرتى

ازيكو يا بنات
هتكلم معاكو عن تجربتى فى روتينى اليومى الجديد ابتديتو من شهر تقريبا والحمد لله فى نتيجه انا عارفه ان علاج الوش والشعر بيطول شويه بس الحمد لله ان فى نتيجة بتحصل حتى لو خفيفه وان شاء الله مع الاستمرار كل حاجة هتبقى كويس
انا قبل متجوز وشى كان حلو جدا صافى مفيش حبوب ولا بقع ولا اى حاجة بعد الجواز وتغيير الهرمونات حبوب بقى وبقع وحاجات زى ما انتو شايفين كدا فى الصورة الى شعرى فيها اسود
انا بشرتى مختلطة لدهنية حساسه
اولا انا بغسل وشى ب غسول لاروش بوزيه effaclar من سيف
بينشب الحبوب ويقللها تحفه عجبنى اوى بس بينشف البشرة جدا ويخليها جافه بحط بعديه نيفيا سوفت بس انا بشرتى حساسة كان بيهيجلى بشرتى واهرش فيها
احلى حاجة رطبت كان زيت الجاجوبا من امتنان تحففففففففففه بس هى نقطة على الوش كلو بيرطب اوى والبشرة بتبقى ناعمه جدا وبتمتصو ومبيطلعش حبوب
لو مغسلتش وشى ب الغسول دا فى حاجة احلى استخدمتها مؤخرا بجد هايله وجوزى قرب يخلصهالى 😂😂
الصابون الافريقى من npc اون لاين بجد يا بنات هايل هايل هايل حبيتو جدا من ساعه مستعملتو خاسة وشى مبيض و اثار الحبوب بتقل الصورة الى شعرى اصفر فيها
جبت الصابونه كسرتها فى طبق وحطيت عليها ماية مقطرة من الصيدليه ومعلقه جاجوبا وسبتها لتانى يوم علشان تسيح وحطتها فى علب شامبو صغيرة بس غسلتها كويس طبعا
بس بردو بتنشف الدهون اوى وتخلى البشرة جافه بعدها بحط جل الصبار او نقطه زيت جاجوبا
انا عموما مبحبش احط زيوت فى وشى الصبح بحطها قبل منام بيكون افضل
جل الصبار حلو جدا بيرطب وينعم بستعملى الصبح ديما بحطو قبل الميك اب ساعات
مايه الورد جيباها اون لاين دى بعشبة المرة بستعملها قبل الميك اب او بعد مخرج من الحمام او بعد مشيل مكياجى بحبها بحس بانتعاش كدا حلوة اوى
بشيل مكياجى ب بيوديرما ho2 او غارنية الى فى الصورة دا
بيوديرما 250 مل ب 95 و غارنيه 400 مل ب 95 بس غارنيه اون لاين بيودريما من الصيدلية حلوين بغباااااء بجد مبيحرقش بيشيل حلو بيشيل ميك اب العين حلو جدااااااا حتى لو كل حاجة ووتر بروف بيشيلها مبيسبش اثر لاى حاجة ممكن تغسلى وشك بعدها بشويه ماية وخلاص
وساعات بشيل الميك اب بزيت جوز هند حلو بردو بس المزيل احلى مش بيدهنن
يوميا قبل مانام بقى لازم احط على وشى زيت جاجوبا وتحت عينى عامله خلطة كدا زيت جنين القمح على لوز مر على لوز حلو للهالات والخطوط الى تحت العين بس لازم بليل علشان ميبقاش فى ضوء
الحاجات الاسبوعية بقى الماسكات الى بعملها ديما
ماسك الطين المغربى بزيت الورد من npc هاااااايل من هنا للاسبوع الى جى تحفه فى كل حاجة وشى بيبقى منور اوووى بعدها
وماسك الحنه البيضه ( معلقتين حنه تتخلط بلبن او ماية ورد وعصرة لمون ومعلقه زيت لوز )  بيبيض جدااا وبينور الوش حلو بجد جدا
ساعات بعمل سكرب قرفه وسكر وعسل بس مبكترش علشان بشرتى حساسة بتوجعنى لما بعمل سكربات
الصور الى شعرى اسود فيها القديمه
والى شعرى اصفر الجديدة
ممكن يكون الفرق مش كبير بس انا فعلا حاسة باختلاف خصوصا انى مش مواظبه اوى وكمان فترة قليله ملمس وشى نفسه اختلف
وبس كدا 😘😘😘
#batot_review