تجربتى شركات امتنان ونفرتارى وايجى بيور و npc

تجربتى مع منتجات امتنان و نفرتارى و npc و ايجى بيور
*امتنان :
جربت من عندهم الزيوت جبت جرجير و سمسم و لوز حلو و خروع وجاجوبا الزيوت كلها تحفه هقول فى الاخر بيعمل اية بالزيوت ول اية
جربت جل الصبار بردو تحفه بحطه كل يوم هدالى وشى اوى و بينعمو مريحنى بصراحة
جربت صابون الطين و العسل معجبنيش الصابون بتعهم بانواعه

*نفرتارى :
جربت الزيوت زيت ارجان و زيت جوز الهند علشان ساعتها مكنتش لقيا زيت البكر بتاع امتنان بس بردو زيوتهم حلوة جدا
جربت صابون الرزمارى وحش جداااا معايا علشان بشرتى مختلطة لدهنية وحساسة
* شركه npc :
ماسك الطين المغربى بزيت الورد تحفه من هنا لبعد بكرة
جل الصبار حلو اوى بردو نفس بتاع امتنان مفيش فرق بس حاسة ان فى كحول
زبدة الشيا حلوة بعمل بيها ماسكات لشعرى وفرقت معايا
زبدة الليمون ولا ليها اى 30 لازمة ريحه بس ومش ثابته ممكن ترطبى بيها الجسم مش اكتر لاكن مش بتفتح ولا حاجة
صابون الافريقيه حلوة جدا جدا جدا جدا جدا مع الاستخدام صلحتلى بشرتى تحفه بجد احلى حاجة عجبتنى
جبتها وقطعتها وحطيت عليها زيت جاجوبا وزيت لوز وماية مقطرة 4 اكياس وسبتها يومين وحطتها فى ازايز صغير اسهل وبتعيش اكتر

* شركه ايجى بيور :
ماسك التفتيح حلو كويس بيفتح وقتى بس  ولما بيتغسل بيتعمل بية سكرب
زبدة الشيا نفس بتاعت npc مفيش فرق
ذا بالم للشعر هو فازلين رحته حلوة وبس كدا
زيت جوز الهند بيور فعلا وحلو جدا وكببببيييير ورخيص عجبنى اوى
ماية الورد حلوة جدا احلى حاجة حبتها هى والزيت ولو هشترى من الشركة تانى هشترى باقى الزيوت ليس الا ..

- الماسكات بقى
*اولا انا روتينى للبشرة بغسل وشى ب الصابونه الافريقية يوم ويوم و اليوم الى فى النص غسول غارنية بالفحم او لاروش
وبعد كدا بحط جل الصبار وبعدين عاملة خلطة عبارة عن ( نص العلبة ماية مقطرة والباقى الا شويه ماية ورد و نقطتين زيت جاجوبا و زيهم جوز هند وزيهم ارجان وزيهم لوز و نقطة جلسرين و كابسوله فيتامين e 400 ) وبرجهم كويس وبرشهم على وشى
وبليل اغسل وشى بماية بس و احط حوالين عينى زيت جنين القمح  على لوز مر ووشى جاجوبا او لوز حلو 
وبستعمل الزيوت فى الماسكات بردو بتاعت الوش
* ثانيا بالنسبة لشعرى بعمل ماسك زبدة الشيا باخد معلقه او معلقتين و معلقه زيت خروع ومعلقه جوز هند و معلقه ارجان واحطهم فى الميكروف 20 ثانيه واطلعهم اقلبهم بيبقى زى كريم خفيف احطهم على الاطراف والفروة واسبهم ساعه
او بعمل حمام زيت عبارة عن ( زيت ارجان - جوز هند - خروع - زتون - جرجير - سمسم - لوز ) بردو بحطهم فى الفروة والاطراف واسبهم 3 ساعات واغسلهم
وبس كدا لو افتكرت حاجة تانى هقول 😂
يارب اكون فيدتكو 😘
#batot_reviwe